24 İyun 2022, 11:10

Yay tətilindən sonra yeni korona dalğası gözlənilirmi?

Yay tətili öncəsi Avropanın bir çox ölkəsində koronavirusa yoluxma halları yenidən artmaqdadır.
Yay tətilindən sonra yeni korona dalğası gözlənilirmi?

Yay tətili öncəsi Avropanın bir çox ölkəsində koronavirusa yoluxma halları yenidən artmaqdadır. Yeni halların əksəriyyəti Omicron-un BA.4 və BA.5 subvariantlarından qaynaqlanır.

Beləliklə, Avropada yeni bir korona dalğası gözlənilirmi?

Silja Thoms-un DW Turkish-də verdiyi xəbərə görə, yay mövsümünün başlaması ilə ortaya çıxan yeni Omicron variantları Avropada hadisələrin sayının artmasına səbəb olduğundan, qarşıdan gələn tətil mövsümü ilə bağlı narahatlıqlar artıb.

“Our World in Data” statistik səhifəsinə görə, Portuqaliya, Almaniya, Fransa, İtaliya, İspaniya, Yunanıstan və Hollandiyada koronavirus səbəbiylə Covid-19 yoluxmalarının sayı əhəmiyyətli dərəcədə artır. Mütəxəssislər buna səbəb kimi əvvəlkilərdən daha yoluxucu olan BA.4 və BA.5 adlanan yeni variantlar olduğunu bildirirlər. 

Portuqaliyada korona dalğası

Xüsusilə Portuqaliya, mayın ortalarından bəri yüksək yoluxma ilə mübarizə aparır. Avropada ən yüksək hədd hələ də bu ölkədədir. Bildirilir ki, Portuqaliyada yeni yoluxmaların 90 faizinə Omicron-un BA.5 alt variantı səbəb olur. Xəstəliklərin sayı ilə birlikdə ölkədə ölüm nisbəti də artır. “Our World in Data” jurnalının məlumatına görə, əhali nisbətinə görə Avropada ən çox koronovirusdan ölənlər Portuqaliyadır. Lakin halların sayının çox olmasına baxmayaraq, xəstəxanaların öz imkanlarından artıq işləməsinə ehtiyac yoxdur. Portuqaliyada yüksək peyvənd nisbəti 87 faizdir. 

Fransada artım davam edir

İyunun ortalarından bəri Fransada yoluxma hallarının sayı kəskin şəkildə artıb. Rəsmi rəqəmlərə görə, 18 iyun tarixinə son 7 gündə hər 100 min nəfərdə 477 yeni yoluxma halı qeydə alınıb. Cenevrə Tibb Məktəbinin Qlobal Sağlamlıq İnstitutunun rəhbəri, epidemioloq Antoine Flahault, "Fransada epidemiya əyrisi eksponent olaraq artır" deyə xəbərdarlıq etdi. Franceinfo xəbər mərkəzinə danışan Flahault BA.4 və BA.5 Omicron variantlarının Fransada yeni dalğaya səbəb olduğunu bildirib. Bununla belə, Flahault Fransada vəziyyətin necə inkişaf edəcəyini qabaqcadan görə bilmədiyini deyib.

Almaniyada da Covid-19 hallarında ciddi artım var

Fransada olduğu kimi Almaniyada da son 7 gündə 100 min adamda qeydə alınan yoluxma sayı 400-ü keçib. Robert Koch İnstitutu (RKI) çərşənbə günü açıqlanan məlumatlara görə, son 24 saatda 119,000 yeni hadisənin qeydə alındığını bildirdi. Burada da ümumi variantın BA.4-dən BA.5-ə qədər olduğu bildirilir. RKI-nin vitse-prezidenti Lars Schaade bildirib ki, hazırkı vəziyyətdə korona tədbirlərinin ləğvi də rol oynayıb. Mövzu ilə bağlı açıqlama verən Almaniya Səhiyyə Naziri Karl Lauterbach, "Bu yay dalğasına diqqət etmədən və əks tədbirlər görmədən keçə bilmərik", - deyib.

Aralıq dənizi ölkələrində vəziyyət necədir?

Yunanıstan və İtaliyada yoluxmaların sayı xeyli artıb. İtalyan səhiyyə institutu ISS, İtaliyada halların sayının ardıcıl ikinci həftə artdığını və ötürülmə sürətinin yenidən epidemiya rəqəmlərinə çatdığını söylədi. İtaliya Sağlamlıq İnstitutunun keçmiş rəhbəri Valter Rikkardi ADNKronos xəbər agentliyinə deyib: “Bu, pandemiyada üçüncü yayımızdır və biz hələ də dərsimizi almamışıq”.

Digər Avropa ölkələrində olduğu kimi İspaniyada da koronavirusa yoluxmalarda hələ də ciddi artım müşahidə olunmayıb. İspaniya indi rəsmi olaraq yalnız 60 yaşdan yuxarı insanlarda korona hadisələrini qeyd edir. İspaniya Səhiyyə Nazirliyinin 17 iyun tarixli son hesabatına görə, bu yaş qrupunda ölkə üzrə yeddi günlük yoluxma hallarının sayı təxminən 302-dir. 

Omicron Şimali və Şərqi Avropada daha az yayılmışdır

Avropanın digər yerlərində yoluxmaların sayı artsa da, Şimali və Şərqi Avropada bu məlumatlar daha azdır. “Our World in Data”nın məlumatına görə, bu ölkələrdə yoluxmaların sayında artım var, lakin buradakı artımlar digər Avropa ölkələrindəki ciddi artımlarla müqayisədə daha aşağı səviyyədədir. İyunun ortalarında İsveçdə bir həftə ərzində 1900 yeni koronavirusa yoluxma, son 24 saat ərzində Polşada isə 285 yeni koronavirusa yoluxma qeydə alınıb. Sayların az olduğu Danimarkada Baş nazir Mette Frederiksen çərşənbə günü 50 yaşdan yuxarı insanlar üçün dördüncü peyvənd üçün yeni bir kampaniya başlatdıqlarını açıqladı. Avropada yoluxmaların sayı gözlənildiyindən daha sürətlə artsa da, Omicron-un BA.5 alt variantı qitədə dominant virus variantına çevrildi.