Rio-de-Janeyro və San-Pauluda samba məktəblərinin ənənəvi karnaval paradları koronavirusun omikron ştammının yayılması ilə əlaqədar aprel ayına təxirə salınıb. Bu barədə Rio-de-Janeyro meriyası məlumat yayıb.
"Şəhərdə COVID-19-a yoluxma hallarının artması fonunda, [Sambadrome de Marquis de] Sapukai-də Karnavalın aprel ayına təxirə salındığını elan edirik", - deyə meriya tvitində bildirib.
Qeyd olunur ki, bu qərarı ölkənin iki ən böyük metropoliteninin merləri Eduardo Pais və Rikardo Nunes cümə günü keçirilən görüşdə birgə qəbul ediblər. Görüşdə samba məktəblərinin yerli assosiasiyalarının rəhbərləri də iştirak ediblər. Qeyd edildiyi kimi, yeni bayramlar aprelin 21-də təqdir edilən yerli milli qəhrəman Tiradentesin ölüm tarixinə təsadüf edəcək. Bundan əvvəl Rio-de-Janeyro və San-Paulu prefekturaları ənənəvi küçə karnaval şənliklərini keçirməkdən imtina ediblər.
