7 Noyabr 2021, 20:29

AZAL ailəsi ilə birlikdə səyahət edənlərə bilet hədiyyə edəcək

Aviaşirkətin yeni aksiyası çərçivəsində siz 12 yaşa qədər uşaq üçün pulsuz bilet əldə edə bilərsiniz
AZAL ailəsi ilə birlikdə səyahət edənlərə bilet hədiyyə edəcək

AZAL Hava Yolları ailəsi ilə birlikdə səyahətə çıxmağı planlaşdıranlar üçün yeni sərfəli kampaniya elan edib. Belə ki, yeni “2+1” kampaniyası çərçivəsində İstanbul və Dubaya iki böyük üçün aviabilet alarkən AZAL 12 yaşınadək uşağa 1 bilet hədiyyə edəcək.

Bununla belə, xatırladaq ki, hədiyyə bileti üçün vergi rüsumlarını ödəməli olacaqsınız və aksiya yalnız ekonom sinifə aiddir.

Aksiya aşağıdakı reyslərə "gediş-dönüş" biletlərinin alınması zamanı keçərlidir:

Bakı-Dubay-Bakı - bütün reyslərdə
Bakı-İstanbul-Bakı - J2-077/078 nömrəli reyslər

Aksiya 15 dekabr 2021-ci il tarixinədək alınan biletlər üçün keçərlidir.

Gediş tarixləri: 12 dekabr 2021-ci ilə qədər, eləcə də 7 yanvar - 6 mart 2022-ci il tarixinə qədər.

Bu aksiya çərçivəsində aviabiletləri AZAL-ın bütün akkreditə olunmuş agentliklərdən əldə etmək mümkündür.

Teqlər: