Fırtınanın ştatın qərb sahillərini vuracağı proqnozlaşdırıldığı üçün ABŞ-da Florida hava limanları İan qasırğasına hazırlıq məqsədilə bağlandığını elan edib. Walt Disney World və Universal Orlando əyləncə parkları da yaxınlaşan tufan səbəbindən bağlanıb.
Beynəlxalq hava limanı Pete-Clearwater çərşənbə axşamı saat 13:00-dan bağlıdır, Tampa hava limanı çərşənbə axşamı saat 17:00-da, Orlando isə çərşənbə günü saat 10:30-da bağlanacağı barədə xəbərdarlıq edib. TURIZM.RU xəbər verir ki, Cənub-Qərbi Florida Beynəlxalq Hava Limanı hələ bağlanma planlarını açıqlamayıb, uçuşlar davam edir.
Mayami Hava Limanı açıq olduğunu bildirib, lakin səyahətçilərə uçuş məlumatı üçün aviaşirkətləri ilə əlaqə saxlamağı tövsiyə etdi.
Çərşənbə axşamı Kubanı 3-cü kateqoriyaya aid qasırğa kimi vuran İan qasırğasının çərşənbə günü Floridanın qərb-mərkəzi bölgələrinə güclü küləklər gətirəcəyi gözlənilir. Bugün Florida sahillərinə 4-cü kateqoriyalı fırtınanın yaxınlaşacağı proqnozlaşdırılır.
Çərşənbə axşamı günortadan sonra küləyin sürəti 190 km/saata çatıb.
