Nyu-Yorkda yerləşən startap "Air Company" 2024-cü ildə havadan karbon qazının tutulması yolu ilə istehsal olunacaq karbon neytral aviasiya reaktiv yanacağının kommersiya satışına başlayacağını vəd edir. Yeni inkişafın ən vacib məqamı "yaşıl" yanacaqdan istifadə təyyarələrin dəyişdirilməsinə ehtiyac yoxdur.
"Air Company" 2017-ci ildən CO2 tutma və istifadə texnologiyası ilə məşğuldur. Air Company-nin ilk "yaşıl" aviasiya yanacağı bu ilin avqustunda ABŞ Hərbi Hava Qüvvələrinin pilotsuz uçuş aparatında sınaqdan keçirilib. Uğurlu sınaq uçuşu beş il ərzində JetBlue şirkətinə 95 milyon litr yeni “AIRMADE SAF” yanacağının tədarükü üçün ilkin müqavilə bağlamağa imkan verdi.
Analoji müqavilə Virgin Atlantic ilə də imzalanıb. İlk yanacaq partiyalarının hava daşıyıcıları tərəfindən sınaqdan keçirilməsi üçün göndərilməsi 2023-cü ildə, kommersiya tədarükü isə 2024-cü ildə gözlənilir.
Qeyd edək ki, birinci mərhələdə “yaşıl” aviasiya yanacağının istehsalı üçün müxtəlif istehsal prosesləri zamanı tutulan “konsentratlaşdırılmış” karbon qazından istifadə olunacaq. Bu, atmosferdən yüksək dərəcədə nadirləşdirilmiş CO2 çıxarmaqdan daha ucuzdur, baxmayaraq ki, şirkət sonda havadan karbon dioksidi çıxarmaq üçün kommersiya baxımından əlverişli zavodlar yaratmağa ümid edir.
