7 Sentyabr 2022, 12:02

Airbus A320 motosikletlə toqquşub, ölənlər var

Airbus A320 motosikletlə toqquşub, ölənlər var

TAP Air Portugal Airbus A320 təyyarəsi eniş edərkən uçuş-enmə zolağından keçən motosikletlə toqquşub. TAP-a məxsus A320neo təyyarəsi Lissabondan TP1492 reyslə uçurdu. Dörd saatlıq müntəzəm uçuşdan sonra o, Qvineyanın paytaxtı Konakriyə enib və eniş zamanı həmin vaxt uçuş-enmə zolağından keçən motosikletlə toqquşub.

Motosikldə olan mühafizəçi və hava limanının əməkdaşı həlak olub. Portuqaliyanın bayraq daşıyıcısı ötən cümə günü baş vermiş insidentdən "dərin təəssüfləndiyini" bildirib və həlak olanların ailələrinə və yaxınlarına "başsağlığı" verib.

Təyyarə 250 km/saat sürətlə uçuş-enmə zolağına toxunduqda motosiklet qəflətən trayektoriyasını keçdi və sağ mühərrikə çarpdı. Sürücü və sərnişin dərhal dünyasını dəyişib. Qvineya Mülki Aviasiya İdarəsi faciəvi hadisə ilə bağlı araşdırmalara başlayıb. Hava limanı sərnişinin hava limanının perimetrinin təhlükəsizliyini təmin etmək vəzifəsi daşıyan mühafizəçi olduğunu təsdiqləyib.