ABŞ-ın “Delta Air Lines” aviaşirkəti sərnişinlərin təyyarəyə minməyə başladığı andan stüardessalara əmək haqqını ödəyəcək. Bu barədə “İnterfaks” yazır.
Bir qayda olaraq, ABŞ-da stüardessalar üçün ödəniş təyyarənin qapıları bağlandığı andan başlayır. Şirkətin məktubuna əsasən, CNBC-nin məlumatına görə, Delta Air, təyyarəyə minərkən ödəniş etməyə başlamaq qərarı verən ilk aviaşirkət olacaq və iyunun 2-dən etibarən uçuşun həmin hissəsində stüardessalar üçün saatlıq tarifin yarısını ödəyəcək.
Daşıyıcı həmçinin dar gövdəli təyyarələr üçün eniş vaxtını 35 dəqiqədən 40 dəqiqəyə qədər artıracaq.
