19 Aprel 2022, 10:20

Uçuş zamanı "dənizdə təcili eniş" elanı

Uçuş zamanı

Şənbə günü Sürixdən Dublinə uçan Aer Lingus təyyarəsinin göyərtəsində sərnişinlərə təyyarənin dənizdə təcili eniş etmək üzrə olduğu deyilib və buna hazırlaşmaları xahiş olunub.

Uçuşda olan sərnişinlərdən biri bildirdi ki, yazılmış mesajda deyilirdi: “Xanımlar və cənablar, bu, fövqəladə haldır. Zəhmət olmasa təcili eniş üçün hazırlaşın”.

O, həmçinin bu elana reaksiyanın çox az olduğunu və ya heç bir reaksiyanın olmadığını, bəlkə də çox insanın qulaqcıq taxdığına görə olduğunu söyləyib. Stüardessalar təyyarənin burnunda və quyruğunda pərdələr arxasında idilər və heç kim sərnişinlərə nə etməli olduqlarını söyləmək üçün qaçmadı, bu yaxşı əlamət idi. Lakin təxminən iki dəqiqədən sonra pilotlar sərnişinlərə dəniz üzərində uçarkən verilən elana məhəl qoymamalarını bildiriblər.

Airbus A320 (qeydiyyat EI-DEP) heç bir insident yaşanmadan günortadan sonra Dublin hava limanına qrafik üzrə eniş edib. Aviaşirkətin sözçüsü bildirib ki, Aer Lingus-un Sürixdən Dublinə EI343 reysi ilə uçan təyyarədə əvvəlcədən yazılmış elan bir anlıq göyərtədə səhv səslənib.

Sözçü əlavə edib ki, “səhv barədə sərnişinləri məlumatlandıran əlavə elan edilib. Uçuş zamanı təyyarənin və göyərtəsində olanların təhlükəsizliyi üçün heç bir risk olmayıb”.