12 Aprel 2022, 15:59

Rusiya aeroportların statistikasını gizlətməyi qərara aldı

Rusiya aeroportların statistikasını gizlətməyi qərara aldı

"Rosaviatsiya" mart ayında aviaşirkətlərin sərnişin dövriyyəsi ilə bağlı məlumatları gizli saxladı. Belə ki, aviaşirkətlərin sərnişin axınına dair operativ məlumatlar adətən Federal Hava Nəqliyyatı Agentliyi tərəfindən hesabat ayından sonrakı ayın 10-da dərc edilir.

Bu dəfə isə Federal Hava Nəqliyyatı Agentliyinin rəhbərliyi mart ayı əməliyyat məlumatlarını dərc etməmək qərarına gəlib.

Azərbaycanın hava limanlarında sərnişin axını iki dəfə artıb - AviaTravel.Az

Mart ayı Rusiyanın Ukraynadakı hərbi əməliyyatına cavab olaraq Avropa İttifaqı, ABŞ və digər Qərb ölkələrinin aviasiya sənayesinə qarşı sərt sanksiyalar tətbiq etməsindən sonra ilk tam aydır. Bu ay, analitiklərin hesab etdiyi kimi, sərnişin axını kəskin şəkildə azalmalıdır.

Keçmiş VTB Capital (indiki Arowana Capital) trafikin 20% azalacağını proqnozlaşdırmışdı: daxili xətlərdə -14% azalma ilə 4,8 milyon sərnişin, beynəlxalq reyslərdə isə 61% azalma ilə cəmi 360 min sərnişin daşınması gözlənilirdi.