6 Aprel 2022, 17:12

“Buta Airways” iyul ayından hər gün Alanyaya uçuş edəcək

“Buta Airways” iyul ayından hər gün Alanyaya uçuş edəcək

Azərbaycanın loukosteri “Buta Airways” iyuldan Bakı-Alanya marşrutu üzrə uçuşların sayını artıracaq.

“Hazırda Bakıdan Türkiyənin Alanya şəhərinə uçuşlar həftədə iki dəfə - cümə axşamı və şənbə günləri həyata keçirilir. İyulun 1-dən etibarən bu istiqamətdə reyslər hər gün yerinə yetiriləcək”, - deyə şirkətdən bildirilib.

Hazırda Heydər Əliyev Beynəlxalq Hava Limanından Alanyaya Embraer ERJ-190 təyyarəsi ilə uçuş səhər saat 7:30-da, Qazipaşa hava limanına isə səhər saat 09:30-da eniş həyata keçirilir.

Əks istiqamətdə isə yola düşmə saat 10:45-də, Bakıya eniş isə saat 14:35-də həyata keçirilir. Qeyd edək ki, saatlar yerli vaxtla göstərilir.