Rusiya Federasiyası Nəqliyyat Nazirliyinin Azərbaycanda Rusiya təyyarələrinin həbsi ilə bağlı verdiyi açıqlama reallığı əks etdirmir və təəccüb doğurur.
Bu barədə Trend-in sorğusuna cavab olaraq Azərbaycan Rəqəmsal İnkişaf və Nəqliyyat Nazirliyinin mətbuat xidmətindən bildirilib.
“Azərbaycanda Rusiya Federasiyasına məxsus təyyarələrin həbsi olmayıb. Biz Rusiyanın müvafiq qurumlarını bu yalan məlumatı təkzib etməyə çağırırıq”, - deyə agentlik qeyd edir.
Qeyd edək ki, ötən gün Rusiya mətbuatı nazirliyə istinadən belə bir məlumat açıqlanmışdı.
