3 Mart 2022, 23:01

Rumınyadan çarter reyslə daha 201 azərbaycanlı gətirildi

Rumınyadan çarter reyslə daha 201 azərbaycanlı  gətirildi

Bu gün Rumıniyanın Yassı hava limanından AZAL-ın növbəti təxliyə reysi ilə 18-i körpə olmaqla daha 201 azərbaycanlı Vətənə qayıdıb.

Azərbaycan Prezidenti İlham Əliyevin tapşırığına əsasən, AZAL hər gün həmvətənlərin ixracı üçün təxliyə uçuşları həyata keçirir. Azərbaycan vətəndaşları üçün təxliyə reysləri ödənişsizdir.

Ukraynanı tərk etmiş ölkəmizin vətəndaşları Vətənə qayıtmaq üçün Azərbaycanın xaricdəki diplomatik nümayəndəlikləri ilə əlaqə saxlaya bilərlər.