3 Mart 2022, 09:26

Rumıniyadan vətəndaşlarımızın təxliyəsi bugün yerinə yetiriləcək

Rumıniyadan vətəndaşlarımızın təxliyəsi bugün yerinə yetiriləcək

Təxliyə reysinin sərnişinlərini qarşılayanların nəzərinə!

Yassı beynəlxalq hava limanının texniki səbəblərdən bağlanması ilə əlaqədar, AZAL-ın Rumıniyadan növbəti təxliyə reysinin uçuşu bugün - 3 mart tarixinə, yerli vaxtla səhər saat 11:00-a keçirilib  (Bakı vaxtı ilə saat 13:00).

Həmvətənlərimizin daşınmasını həyata keçirən AZAL-ın təxliyə reysinin Bakıya gəlişi yerli vaxtla saat 16:00-da nəzərdə tutulmuşdur.

Bütün sərnişinlərdən aviaşirkətin sosial şəbəkələrdəki rəsmi səhifəsində və kütləvi informasiya vasitələrində reyslər barədə ən son məlumatları izləmələrini xahiş edirik.

Xatırladaq ki, Azərbaycan Respublikasının Prezidenti İlham Əliyevin tapşırığına əsasən AZAL aviaşirkəti Ukraynadakı hadisələrlə əlaqədar Vətənə qayıtmaq arzusunda olan həmvətənlərin daşınması üçün hər gün təxliyə reyslərini yerinə yetirəcək.  Azərbaycan vətəndaşlarının təxliyə  reysləri ilə daşınması ödənişsiz həyata keçirilir.