"Azərbaycan Hava Yolları"nın Küveyt reyslərində yeni aksiya keçirir. Bakı - Küveyt - Bakı reysinə biletlər 189 avroya, Küveyt - Bakı - Küveyt reysinə biletlər isə 69 Küveyt dinarına təklif edilir.
Aksiya Ekonom sinifinə aid "gediş-dönüş" biletlərinin alınması zamanı keçərlidir və 3 mart 2022-ci il (daxil olmaqla) tarixinə qədər yerinə yetiriləcək reyslərə şamil edilir.
Aksiya çərçivəsində Bakı-Küveyt-Bakı və Küveyt-Bakı-Küveyt reyslərinin ekonom sinif sərnişinləri, özləri ilə hər birinin çəkisi 23 kq-a qədər (ölçüləri üç ölçünün cəmində 158 sm-ə qədər) olan 2 ödənişsiz baqaj yeri götürə biləcəklər. 12 yaşdan kiçik uşaqlara əlavə güzəşt olunacaq.
Bu aksiya çərçivəsində aviabiletləri AZAL-ın bütün akkreditə olunmuş agentliklərindən əldə etmək mümkündür.
Qeyd edək ki, Bakıdan Əl-Küveyt şəhərinə və əks istiqamətə reyslər həftədə 2 dəfə - çərşənbə və şənbə günləri yerinə yetirilir.
